काठमाडौं । नेपाली कांग्रेसका सभापति शेरबहादुर देउवाले महिलालाई अधिकार दिने विषयमा नेपाल अरू देशभन्दा धेरै अगाडि रहेको बताएका छन् । अन्तर्राष्ट्रिय नारी दिवसका अवसरमा शनिबार (फागुन २४) ललितपुरमा आयोजित एक कार्यक्रममा उनले अरू देशमा अझै महिलाले अधिकार नपाइरहेको उल्लेख गरे ।

हरेक स्थानीय तहमा अनिवार्य रूपमा महिला प्रतिनिधित्वको व्यवस्था गरिएको उनले बताए । देशभरि नै महिलालाई अधिकारसहित स्थान दिइएको उनको भनाइ थियो ।

सभापति देउवाले आउँदा दिनमा महिला राज्यका प्रभावकारी निकायमा पुग्ने विश्वास व्यक्त गरे ।

कार्यक्रममा कांग्रेस नेताहरूले महिलालाई थप अधिकारसम्पन्न बनाउन पार्टीले प्रभावकारी भूमिका खेल्नुपर्नेमा जोड दिएका थिए । हिमालयन टेली भ्वाइस