काठमाडौं । चलचित्र ‘मायावी’ पाइरेसी छ । बुधबार रिलिज भएको ‘मायावी’ सोही दिनबाटै टिकटकमा पाइरेसी भएको छ । 

चलचित्रको महत्वपूर्ण दृश्य समेत टिकटकमा आएका छन् । जसले दर्शकको उत्सुकतालाई कम गराउनसक्छ ।

टिकटकमा चलचित्रको क्लाइमेक्स समेत खिचेर दर्शकले पोष्ट गरेपछि निर्माणपक्ष तनावमा छ ।

चलचित्रका लेखक तथा निर्देशक दिवाकर भट्टराइले महत्वपूर्ण दृश्य खिचेर टिकटकमा नराखिदिन आग्रह गरेका छन् । यसको निर्माणपक्षले साइबर ब्यूरोमा उजुरी दिने तयारी गरेको छ ।

धु्रव न्यौपाने, राज कटुवाल र चन्द्र पन्तको लगानीमा बनेको यो चलचित्रमा पल शाह, दीपिका प्रसाईं, प्रशान्त ताम्राकार, करिष्मा श्रेष्ठ, सुशील सिटौला, समिम खान, राजाराम पौडेललगायत कलाकारको अभिनय छ ।