काठमाडौं । राष्ट्रपति रामचन्द्र पौडेलले महाशिवरात्रिको अवसरमा पशुपतिनाथको दर्शन एवं पूजाआराधना गरेका छन् । महाशिवरात्रिको अवसरमा राष्ट्रपति पौडेलले प्रथम महिला सविता पौडेलसहित बुधबार अपराह्न पशुपतिनाथको दर्शनसहित पूजाआराधना गरेका हुन् ।

उनलाई पशुपतिनाथ मन्दिरका मूल भट्टले चन्दन र फूलप्रसाद प्रदान गरेका थिए ।

मन्दिर परिसरमा राष्ट्रपति पौडेललाई पशुपति क्षेत्र विकास कोषका पदाधिकारी, स्थानीय निकायका प्रतिनिधि, गुठी संस्थानका उच्च पदस्थ अधिकारीले स्वागत गरेका थिए ।  

महाशिवरात्रिका अवसरमा हरेक वर्ष राष्ट्रप्रमुखले पशुपतिनाथको पूजाआराधना गर्ने परम्परा छ ।