काठमाडौं । बारा प्रहरीले ९ बिगाहा जग्गामा लगाएको गाँजा नष्ट गरेको छ । उत्तरी भेग सिमराको नयाँ बस्ती क्षेत्रमा लगाइएको गाँजा नष्ट गरिएको बारा प्रहरी प्रमुख प्रहरी उपरीक्षक एसपी सन्तोष तमाङले जानकारी दिए ।

इलाका प्रहरी कार्यालयले निजगढ नगरपालिका–१२ र  १३ नम्बर वडाको एरियामा चार तथा सिमरातर्फ गरी ९ बिगाहामा लगाएको गाँजा नष्ट गरेको हो ।

लागुऔषध गाँजा तस्करीदेखि सेवनकर्ताका कारण सुरक्षा चुनौती देखिएको भन्दै प्रहरी निर्मम भएर अवैध गतिविधि रोक्न लाग्ने एसपी तामाङको भनाइ छ । तामाङले एक हप्ता अघिदेखि मात्रै बाराको कमान्ड सम्हालेका हुन् ।