काठमाडौं । सर्लाहीको बरहथवाका सत्येन्द्रकुमार राम चमार र सोही नगरपालिकाकी नेहा रौनियारको अन्तरजातीय विवाहबारे आफूमाथि प्रश्न उठेपछि गृहमन्त्री रमेश लेखकले स्पष्टीकरण दिएका छन् ।

बिहीबारको प्रतिनिधिसभा बैठकमा उनले आफू सधैँ जातीय छुवाछुतविरुद्ध रहँदै आएको बताए । अन्तरजातीय विवाहप्रति पूर्वाग्रही भयो भन्नु आफ्नो आदर्शप्रतिको अवमूल्यन भएको टिप्पणी गरे ।

“वैयक्तिक स्वतन्त्रता र मानवअधिकारको ग्यारेन्टीका लागि विद्यार्थी कालदेखि नै लड्दै आएको म अन्तरजातीय विवाहप्रति पूर्वाग्रह भयो भन्नु जीवनमूल्य र आदर्शप्रति नै अवमूल्यन हो भन्ने ठानेको छु,” उनले भने ।

उनले आफ्नो पार्टी नेपाली कांग्रेस जातीय विभेद र छुवाछुत विरुद्ध रहेको बताए । उनले यस्तो विवाहलाई राज्यले प्रोत्साहन गर्नुपर्छ भन्नेमा प्रष्ट रहेको भन्दै प्रतिबद्धता जनाए ।

उनले अन्तरजातीय विवाहमा गृहमन्त्रीको निर्देशनमा अत्याचार भयो भन्नु कपोकल्पित भएको बताए । प्रहरीले सम्पूर्ण विवरण सार्वजनिक गरिसकेको बताए । “यस विषयमा कही त्रुटी भएको देखिए छानबिन र कारबाही गर्ने कुरा सम्मानित सदनलाई विश्वास दिलाउन चाहन्छु,” उनले भने । उनले पीडितको गुनासो सम्बोधन गर्ने र सम्पूर्ण पमा सुरक्षा दिनेमा म आश्वस्त पारे ।