काठमाडौं । सत्तासाझेदार दल नेपाली कांग्रेस संसदीय दलको बैठक जारी छ । बिहीबार (माघ २४) बिहान नयाँ बानेश्वरस्थित संघीय संसद् भवनको ल्होत्से हलमा बैठक बसेको हो ।

पार्टी पदाधिकारी र कांग्रेसबाट सरकारमा सहभागी मन्त्रीहरूले बैठकमा सांसदहरूले राखेका जिज्ञासाको जवाफ दिनेछन् ।

गएको माघ १८ गते बसेको संसदीय दलको बैठकमा सांसदहरूले स्थानीय र प्रदेश तहको चुनाव आमनिर्वाचनभन्दा पछाडि गर्न माग गरेका थिए । उनीहरूले पार्टीको महाधिवेशन ०८४ सालको निर्वाचनभन्दा पछाडि गर्न पनि माग गरेका थिए । सोही विषयमा मन्त्री र पदाधिकारीले आज जवाफ दिनेछन् ।

आजै बस्ने संसद् बैठकमा सरकारले ल्याएको अध्यादेशबारे कसरी प्रस्तुत हुनेलगायत समसामयिक, राजनीतिक विषयमा पनि छलफल गरिनेछ । न्युज एजेन्सी नेपालबाट ।