काठमाडौं । दिल्ली विधानसभा चुनावमा ९६ महिला उमेदवार चुनावी मैदानमा छन् । यो संख्या कुल उमेदवारहरूको १४ प्रतिशत हो ।

दिल्ली विधानसभा चुनावमा मुख्यमन्त्री आतिशी आम आदमी पार्टीको प्रमुख महिला अनुहार हुन् । कांग्रेसले आतिशीको विरुद्धमा अलका लाबालाई उमेदवार बनाएको छ । 

भाजपाबाट शिखा राय ग्रेटर कैलाशबाट सौरभ भारद्वाजविरुद्ध चुनाव लड्दै छिन् । आतिशीले यसअघि पनि दिल्लीको कालकाजी सिटबाट चुनाव जितेकी थिइन् । अलका लाबा अखिल भारतीय महिला कांग्रेसकी अध्यक्ष हुन् ।

यसैबीच, दिल्ली विधानसभा चुनावमा मतदान सुरु भएको छ । दिल्ली विधानसभा चुनावमा ७० विधानसभा सिटमा चुनाव हुँदै छ ।

६९९ उमेदवारलाई डेढ करोडभन्दा बढी मतदाताले मतदान गर्नेछन् । मतदान बिहान ७ बजेदेखि साँझ ६ बजेसम्म हुनेछ । चुनावको नतिजा फेब्रुअरी ८ मा घोषणा हुनेछ । यस चुनावमा लगभग एक १ करोड ५६ लाख मतदाताले मतदान गर्नेछन् । 

दिल्ली चुनावको मतदानलाई ध्यानमा राख्दै आज दिल्ली र हरियाणामा सार्वजनिक बिदा घोषणा गरिएको छ ।

आम आदमी पार्टीले दिल्लीमा २०१५ र २०२० को विधानसभा चुनावमा बहुमत हासिल गरेको थियो । २०१५ मा आम आदमी पार्टीले ७० मध्ये ६७ सिट जितेको थियो । २०२० मा ६२ सिट जितेको थियो । बीबीसी