काठमाडौं । नेपाली सेनाको अधिकृत हुँ भनेर झुक्याई ठगी गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा रामेछापको मन्थली नगरपालिका–३ का ३० वर्षीय राजु कार्की छन् ।

आफूलाई नेपाली सेनाको अधिकृत बताएर झुटो विश्वास दिलाई तीन लाख रुपैयाँ लिएर फरार भएको उनीमाथि आरोप छ । काठमाडौं उपत्यका अपराध अनुसन्धान शाखा कार्यालय ललितपुरबाट खटिएको टोलीले उनलाई पक्राउ गरेको प्रहरी प्रधान कार्यालयले जानकारी गराएको छ ।

थप अनुसन्धान र कारबाहीका निम्ति उनलाई जिल्ला प्रहरी परिसर ललितपुरमा पठाइएको छ ।