काठमाडौं । नागरिक उन्मुक्ति पार्टीका सांसद अरुण चौधरीको पद जोगिएको छ । कैलाली घटनामा संलग्न व्यक्ति प्रतिनिधिसभा सदस्यका लागि अयोग्य भएको भन्दै परेको रिट सर्वोच्च अदालतको संवैधानिक इजलासले खारेज गरिदिएको हो । रिट खारेजीसँगै उनको सांसद पद कायम रहने भएको छ ।

सर्वोच्चका प्रधानन्यायाधीश प्रकाशमानसिंह राउत नेतृत्वमा न्यायाधीशहरू सपना प्रधान मल्ल, कुमार रेग्मी, हरिप्रसाद फुयाल र डा. मनोजकुमार शर्माको इजलासले रिट निवेदकले चौधरीको योग्यतामा प्रश्न उठाउने अन्य विकल्प हुँदाहुँदै सर्वोच्च आएको कारण चौधरी प्रतिनिधिसभा सदस्यका लागि अयोग्य हुन् भन्ने अवस्था नरहने भन्दै रिट खारेज गरिदिएको हो ।

उनको पद नगएको फैसलाको संक्षिप्त पाठ सार्वजनिक भएको छ । पूर्णपाठ भने पछि सार्वजनिक हुनेछ ।

चौधरीविरुद्ध अधिवक्ता बसन्त जोशीले ०७९ चैत १७ मा रिट दायर गरेका थिए ।