काठमाडौं । राष्ट्रिय स्वतन्त्र पार्टी (रास्वपा) केन्द्रीय समितिको दोस्रो दिनको बैठक जारी छ । काठमाडौंको स्वयम्भूस्थित स्टार ब्यांक्वेटमा बैठक बसेको हो ।

दोस्रो दिनको बैठक सुरु भइसकेको पार्टीका कार्यवहाक प्रवक्ता मनिष झाले जानकारी दिए । दुईदिने बैठक आज सकाउने तयारी छ ।

सरकारले हालै अध्यादेशमार्फत ल्याएको सहकारीसम्बन्धी विधेयकका विषयमा पनि बैठकमा छलफल गरिने उनले जानकारी दिए ।

शनिबार पहिलो दिनको बैठकबाट पार्टीले सक्रिय रूपमा संगठन निर्माण अभियान सञ्चालन गर्ने निर्णय गरिएको थियो । स्थानीय तह उपनिर्वाचनमा पार्टीका अनुभव, सिकाइ र चुनौतीका विषयमा पनि बैठकमा छलफल गरिएको झाले जानकारी गराएका छन् ।