प्रधानसेनापति अशोकराज सिग्देलले भारतीय स्थलसेनाध्यक्ष जनरल उपेन्द्र द्विवेदीसँग शिष्टाचार भेटघाट गरेका छन् । मित्रराष्ट्र भारतको औपचारिक भ्रमणमा रहेका प्रधानसेनापति सिग्देलले आज बुधबार भारतीय समकक्षीसँग भेट गरेको हुन् । 

आजै प्रधानसेनापति सिग्देलले भारतीय राष्ट्रिय सुरक्षा सल्लाहकार अजित डोभल, चिफ अफ डिफेन्स स्टाफ जनरल अनिल चौहान रक्षा सचिव र विदेश सचिवसँग छुट्टाछुट्टै भेटघाट गरे । 

प्रधानसेनापति सिग्देलले आजै भारतको नयाँ दिल्लीस्थित राष्ट्रिय समर स्मारक (नेसनल वार मेमोरियल)मा पुष्पगुच्छा चढाई वीर सहिदहरूप्रति श्रद्धाञ्जलि अर्पण गरेका थिए । 

प्रधानसेनापति सिग्देलको सम्मानमा भारतीय सेनाको एक टुकडीले सम्मान गारत अर्पण गरेको थियो ।