काठमाडौं । झापामा जुवातास खेलिरहेको अवस्थामा सातजनालाई प्रहरीले पक्राउ गरेको छ । पक्राउ पर्नेमा बाह्रदशी गाउँपालिका–५, फूलबारीका ४२ वर्षीय धर्मेन्द्र साहसहितका व्यक्तिहरू छन् ।

फूलबारीस्थित साहको घरमा जुवातास खेलिरहेको अवस्थामा सोमबार राति उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद ८४ हजार ६७० रुपैयाँ, १४ बुक तास र तीनथान मोबाइलसहित उनीहरूलाई पक्राउ गरिएको प्रहरीले जनाएको छ ।