site stats
बाह्रखरी :: Baahrakhari
राजनीति
Global Ime bankGlobal Ime bank
प्रधानमन्त्रीद्वारा राष्ट्रसंघीय महासभाबारे संसदीय दललाई जानकारी

काठमाडौं । प्रधानमन्त्री केपी शर्मा ओलीले संयुक्त राष्ट्रसंघको ७९औँ महासभामा भएको गतिविधिबारे नेकपा (एमाले) संसदीय दलको बैठकलाई जानकारी गराएका छन् । आज बसेको एमाले संसदीय दल बैठकमा त्यहाँ आफूले गरेको सम्बोधन र त्यसक्रममा भएका दुईपक्षीय भेटवार्ता तथा कार्यक्रमबारे जानकारी गराएका हुन् । 

प्रधानमन्त्री ओलीले राष्ट्रसंघमा विगतको भन्दा नेपालको उपस्थिति र प्रस्तुति प्रभावकारी रहेको अवगत गराए । सो क्रममा विश्वका विभिन्न मुलुकका राष्ट्राध्यक्ष एवं सरकार प्रमुखसँग भेटवार्ता गरेको बताए । एमाले अध्यक्ष एवं प्रधानमन्त्री ओलीले संयुक्त राज्य अमेरिकाका राष्ट्रपतिसहित विभिन्न मुलुकका राष्ट्राध्यक्ष तथा प्रधानमन्त्री र अन्य विशिष्ट व्यक्तिसँग भेटघाट भएको तथा कोलम्बिया र हार्वर्ड विश्वविद्यालयका कार्यक्रम अनुभव आदानप्रदानमा महत्त्वपूर्ण भएको बताए । 

साथै, बैठकमा बाढीपहिरो तथा डुबानबाट पीडित भएकाहरूलाई राहत तथा पुनर्स्थापनाका लागि आवश्यक पहल गर्ने विषयमा पनि जानकारी गराएको एमाले सचेतक सुनिता बरालले जानकारी दिइन् । 

प्रकाशित मिति: मंगलबार, असोज १५, २०८१  १४:०३
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro