काठमाडौं । संसदीय सुनुवाइ समितिमा राष्ट्रिय स्वतन्त्र पार्टी (रास्वपा) र जनता समाजवादी पार्टी (जसपा) नेपालले फरक मत राखेका छन् । 

बिहीबार समितिको बैठकमा राष्ट्रिय स्वतन्त्र पार्टी (रास्वपा)का सांसद डोलप्रसाद अर्यालको तीन र जसपा नेपालका सांसद प्रकाश अधिकारीले चार अनुमोदित राजदूतमाथि फरक मत राखेका हुन् । 

उनीहरूको फरक मतसहित समितिले १६ जनाको नाम अनुमोदन गरेको छ । साउन १४ गतेको मन्त्रिपरिषद् बैठकले १७ जनाको नाम सिफारिस गरेकोमा श्रीलंकका लागि प्रस्तावित रामकृष्ण भट्टराईको भने कागजात नपुगेको भन्दै समितिले स्थगित गरिएको छ । समितिले कागजात प्राप्त भएपछि मात्रै निर्णय गरिने जनाएको छ ।

सांसद अधिकारीले भारतका लागि दाहोर्‍याएर नियुक्तिका निम्ति अनुमोदित भएका शंकरप्रसाद शर्मा, दक्षिण अफ्रिकाको राजदूतमा सिफारिस भएका कपिलमान श्रेष्ठ, इजरायलका लागि सिफारिस भएका धनप्रसाद पण्डित र मलेसियाका लागि सिफारिस भएका नेत्रप्रसाद तिमिल्सिानाबारे फरक मत राखेका हुन् । सांसद अर्यालले श्रेष्ठ, पण्डित र तिमिल्सिनाबारे फरक मत राखेका हुन् । 

यस्तो छ उनीहरूको फरक मत