काठमाडौं । काठमाडौं महानगरपालिकाकी उपप्रमुख सुनिता डंगोलले सांस्कृतिक कार्यक्रमहरूमा राजनीतिक गन्ध आउनु नहुने बताएकी छन् । बिहीबार काठमाडौंमा आयोजित एक कार्यक्रममा बोल्दै उनले यस्तो बताएकी हुन् ।

उनले सांस्कृतिक कार्यक्रमहरूमा कुसंस्कारका पक्षहरूको गन्ध आउन नहुने पनि उल्लेख गरिन् । सांस्कृतिक कार्यक्रममा कुसंस्कार र राजनीतिक गन्ध आउन नदिन सबैजना एकजुट हुन आवश्यक रहेको बताइन् । सांस्कृतिक पर्वहरूमा सबैजना रमाउने र खुसी हुने पर्व भएको बताइन् ।

उनले भनिन्, "सांस्कृतिक कार्यक्रमहरूमा कुनै पनि राजनीतिक गन्ध आउनु हुँदैन । कुसंस्कारका पक्षहरूको गन्ध आउनु हुँदैन । त्यसलाई न्यूनीकरण गर्न हामी सबैजना एकजुट हुन आवश्यक छ । यो विशुद्ध सांस्कृतिक पर्व हो । सबैजना रमाउने र खुसी हुने पर्व हो । यो रमाउने, खुसी हुने वातावरण बनाउनका लागि काठमाडौं महानगरपालिका हर्दम सम्पूर्ण सरोकारवाला निकायहरूसँग नजिकबाट नै काम गरिरहेका छौँ ।"

उनले रमाउन र खुसी हुने वातावरण बनाउनका लागि काठमाडौं महानगरपालिका सरोकारवाला निकायहरूसँग नजिकबाट नै काम गरिरहेको पनि बताइन् ।