कैलाली । कैलालीमा सर्पले टोकेर एक बालकको मृत्यु भएको छ । मृत्यु हुनेमा धनगढी उपमहानगरपालिका–९, वनदेवी टोल बस्ने माया विकको पाँच वर्षीय छोरा अरुण रहेको जिल्ला प्रहरी कार्यालय कैलालीले जनाएको छ ।

कार्यालयका अनुसार अरुणलाई गएराति निजकै घरमा सुतिरहेको अवस्थामा सर्पले टोकी घाइते भएको र उपचारको क्रममा राति १ः५० बजे सेती प्रादेशिक अस्पतालमा मृत्यु भएको हो ।

त्यसैगरी गएराति नै सर्पले टोकेर कैलालीको गोदावरी नगपालिका–६, लालपुरका अन्दाजी ३३ वर्षीय सागर विष्ट घाइते भएका छन् । रासस