काठमाडौं । सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले जेलमा रहेका कैदीहरूसँग बयान लिएको छ ।

सोमबार समितिले सुमेरू सहकारीका सेयर सदस्य राजबहादुर सिंह, कान्तिपुर सहकारीका अध्यक्ष हिमालय विक्रम मल्ल, आइडल नमुना सहकारीका अध्यक्ष केबी उप्रेती र सिभिल सहकारीका अध्यक्ष इच्छाराज तामाङको बयान लिएको समिति सभापति सूर्यबहादुर थापाले जानकारी दिए ।

उनले समितिले दुई दिनदेखि निरन्तररूपमा सहकारीका सञ्चालक तथा अध्यक्षहरूलाई बोलाएर सोधपुछ गरिरहेको बताए ।

उनले सुमेरू सहकारीका सेयर सदस्य सिंहले आफ्नो सम्पत्तिबाट सहकारी बचतकर्ताहरूको बचत फिर्ता गर्ने बताएको उल्लेख गरे ।