काठमाडौं । नायक पल शाह र नायिका बेनिशा हमालले दोस्रोपटक सिनेमामा सहकार्य गर्ने भएका छन् । ‘कल्ली’पछि पल र बेनिशाले ‘मोहर’मा सहकार्य गर्ने भएका हुन् । 

‘मोहर’लाई ओम प्रतीकले निर्देशन गर्ने भएका छन् । निर्माणपक्षका अनुसार यो चलचित्र फागुनमा छायांकनमा जानेछ । 

मेकर्स प्रा.लिको प्रस्तुतिमा तयार हुन लागेको चलचित्रमा ओम प्रतीककै लेखन छ । चलचित्रलाई चुम्बनजंग शाहीले निर्माण गर्दैछन् । 

पल शाह र बेनिशाको मुख्य अभिनय रहने चलचित्र ‘कल्ली’ निर्माण हुँदै छ । रेड बर्ड प्रोडक्सन र कस्तुरी प्रोडक्सनको ब्यानरमा बन्ने चलचित्रमा पल र बेनिशा मुख्य भूमिकामा हुनेछन् । 

निर्माता किरण नेपालीको प्रस्तुतिमा तयार हुने चलचित्रमा लक्ष्मण सुनारको कथा तथा निर्देशन रहनेछ । महेश दवाडीको पटकथा तथा संवाद छ । 

यो चलचित्र चैत २९ गतेबाट रिलिज गर्ने घोषणा निर्माणपक्षले गरेको छ ।