काठमाडौं । प्रभु बैंकले तेह्रथुम र धनकुटामा नयाँ शाखा सञ्चालनमा ल्याएको छ । तेह्रथुमको म्याङलुङ नगरपालिका–१ र धनकुटा नगरपालिका–७ मा नयाँ शाखा सञ्चालनमा ल्याएको बैंकले जनाएको छ ।

बैंकको व्यावसायिक सञ्जाल विस्तार गर्ने क्रममा ३०८औँ  र ३०९औँ शाखा सञ्चालनमा ल्याएको बैंकले बताएको छ ।

म्याङलुङ र धनकुटा शाखामार्फत स्थानीय बासिन्दा, सर्वसाधारणहरू, व्यावसायिक फर्म, कम्पनी तथा संघ संस्थाहरूले गुणस्तरीय सेवा उपभोग गरी लाभान्वित हुने बैंकको विश्वास छ ।

यी दुवै क्षेत्रको समग्र आर्थिक उन्नतिमा शाखाले महत्त्वपूर्ण भूमिका निर्वाह गर्ने बैंकको विश्वास छ ।