![डेडिकेटेड र ट्रंकलाइन विवादको समाधान ठाडो निर्देशनमा गर्न खोज्नु गलत : सांसद बस्नेत](https://12khari.top/uploads/posts/Shaktibahadur_Basnet-1721726107.jpg)
काठमाडौं । प्रमुख प्रतिपक्ष दल नेकपा (माओवादी केन्द्र)का सांसद शक्तिबहादुर बस्नेतले प्रधानमन्त्री केपी शर्मा ओलीले डेडिकेटेड र ट्रंकलाइन विवादको समाधान ठाडो निर्देशनमा गर्न खोज्ने प्रवृति राम्रो नभएको बताएका छन् ।
मंगलबारको प्रतिनिधिसभा बैठकमा बोल्दै उनले यस्तो बताएका हुन् । उनले डेडिकेटेड र ट्रंकलाइन विद्युत् वक्यौताको बिलको समाधान तथा निरुपण गर्ने विशेष कानुनी र विशेष व्यवस्थाहरूबाट गर्न जरुरी रहेको उल्लेख गरे ।
डेडिकेटेड र ट्रंकलाइन विद्युत् वक्यौता समाधानमा विधि र नियमभन्दा बाहिर गएर काम गरिरहेकोमा आपत्ति जनाए । सरकारले डेडिकेटेड र ट्रंकलाइन विवाद समाधानमा गलत बाटोबाट गएको भन्दै सचेत गराए ।
"डेडिकेटेड र ट्रंकलाइन विद्युत् वक्यौताको बिलको विषय छ । त्यसको निरुपण गर्ने विशेष कानुनी र विशेष व्यवस्थाहरू पनि छ । सरकार त्यो बाटो हिँड्नुपर्यो । कुरा सुशासन र विधि, नियम गर्ने तर समाधान ठाडो निर्देशनमा खोज्ने । सरकार गलत बाटो हिँड्दैछ । सभामुखमार्फत सचेत गराउन चाहन्छु । नियमक निकायहरूले दैनिक कार्यकारी र व्यवस्थापकिय कामहरूमा रुचि देखाएर आफूलाई विवादित बनाउन आग्रह गर्न चाहन्छु । ऊर्जा क्षेत्रले यतिबेला मुलुक समृद्धिको बाटोमा गएको छ," उनले भने ।
उनले नियमक निकायहरुले दैनिक कार्यकारी र व्यवस्थापकिय कामहरूमा रुचि देखाएर आफूलाई विवादित बनाउन नहुने बताए ।