![संसद्को पत्र पुगेपछि राष्ट्रपतिले सरकार गठनको आह्वान गर्ने, आजै दाबी प्रस्तुत गर्ने तयारी](https://12khari.top/uploads/posts/ramchandra poudel1686711961.jpg)
काठमाडौं । प्रधानमन्त्री पुष्पकमल दाहाल ‘प्रचण्ड’ले संसद्को विश्वास गुमाएसँगै नयाँ सरकार गठनको प्रक्रियाका लागि बाटो खुलेको छ । संसद्ले प्रधानमन्त्री प्रचण्डले विश्वासको मत गुमाएको पत्र केही बेरमै राष्ट्रपति कार्यालयमा पुर्याउने तयारी गरेको छ ।
पत्र पुगेसँगै राष्ट्रपति रामचन्द्र पौडेलले सरकार गठनका लागि आह्वान गर्नेछन् । राष्ट्रपतिबाट आह्वान भएपछि आजै दाबी प्रस्तुत गर्ने कार्यसूची रहेको नेकपा एमालेका प्रमुख सचेतक महेश बर्तौलाले जानकारी दिए ।
बर्तौलाका अनुसार राष्ट्रपतिले आह्वान गरेसँगै गठबन्धनका तर्फबाट प्रधानमन्त्रीमा केपी शर्मा ओलीको दाबी प्रस्तुत हुनेछ । दाबीपछि आजै प्रधानमन्त्रीको नियुक्ति हुने र शनिबार शपथ ग्रहण गर्ने तयारी छ । प्रधानमन्त्री प्रचण्डले संसद्मा शुक्रबार राखेको विश्वासको मत माग्ने प्रस्तावका पक्षमा जम्मा ६३ मत मात्र परेको थियो । विपक्षमा १९४ मत परेसँगै उनी स्वतः पदमुक्त भएका हुन् ।