ओटावा । क्यानडाको संसद्ले खालिस्तान समर्थित नेता हरदीपसिंह निज्जरलाई श्रद्धाञ्जली दिएको छ । जुन १८ मा क्यानडाको संसद् हाउस अफ कमन्सका सभामुख ग्रेग फर्गसले भने, “सदनमा सबै दलका प्रतिनिधिबीच ब्रिटिश कोलम्बियामा मारिएका हरदीपसिंह निज्जरको सम्मानमा मौन धारण गर्ने सहमति भएको छ ।”

यसपछि संसद्का सबै सदस्यहरू उभिएर मौन धारण गरे । हरदीपसिंह निज्जरको २०२३ जुन १८ मा एक गुरुद्वाराको पार्किङमा गोली हानेर हत्या गरिएको थियो । निज्जर क्यानडाको भ्यान्कुभरस्थित गुरु नानक सिख गुरुद्वाराका अध्यक्ष पनि थिए ।

क्यानडाका प्रधानमन्त्री जस्टिन ट्रुडोले निज्जरको हत्यामा भारत सरकारका एजेन्ट सामेल भएको आरोप लगाएको थिए । यो आरोप क्यानडाका प्रधानमन्त्रीले सेप्टेम्बर २०२३ मा क्यानडाको संसद्‌मा बोल्ने क्रममा लगाएका थिए ।

यद्यपि, भारतले सो आरोप अस्वीकार गरेको छ । सो मामिलामा हत्यामा संलग्न भन्दै क्यानडा सरकारले तीनजना भारतीय नागरिकलाई गिरफ्तार गरेको छ । बीबीसी