नयाँ दिल्ली । भारतको प्रहरीले महिलाहरूलाई यौन दुर्व्यवहार गरेको आरोपमा पूर्वसांसद प्रज्ज्वल रेभन्नालाई पक्राउ गरेको छ । सो आरोप लागेपछि उनले गएको अप्रिल २७ मा देश छाडेका थिए । उनलाई शुक्रबार भारतको दक्षिणी सहर बेंगालुरुमा आउनासाथ प्रहरीले पक्राउ गरेको हो ।

रेभन्नाले आफूमाथि लागेको आरोप अस्वीकार गरेका छन् । ३३ वर्षीय रेभन्ना जनता दल सेकुलर पार्टीका नेता हुन् । उनको पार्टी प्रधानमन्त्री नरेन्द्र मोदी आबद्ध भारतीय जनता पार्टीसँगको गठबन्धनमा रहेको छ ।

प्रहरीले अहिलेसम्म उनीमाथि तीन वटा मुद्दा दायर गरेको छ । उनी भारतका पूर्वप्रधानमन्त्री एचडी देवेगौडाका नाति हुन् । देवेगौडाले केही दिनअघि सार्वजनिक रूपमा नाति प्रज्ज्वललाई स्वदेश फर्केर कानुनलाई सघाउन आग्रह गरेका थिए । बीबीसी