काठमाडौं । दोलखाका निर्माण व्यवसायी विदुर शर्मा वैशाखयता फरार छन् । उनीमाथि प्रहरी वृत्त दरबारमार्गमा जबरजस्ती करणीको उजुरी परेपछि उनी फरार भएका हुन् । उनीमाथि वैशाख १९ मा ठमेलस्थित एक होटलमा १९ वर्षीया युवतीलाई जबरजस्ती करणी गरेको उजुरी परेको हो ।

शर्मामाथि फरार रहेको र उनको खोजीकार्य जारी रहेको दरबारमार्गका डीएसपी गोविन्द थापाले जानकारी दिए । “उनीमाथि बलात्कारको उजुरी परेपछि फरार छन् । हामी खोजीराखेका छौँ,” डीएसपी थापाले भने ।

स्थायी घर दोलखाका भएका शर्मा पछिल्लो सयम भने भक्तपुर ठिमी नगरपालिका– ३, गट्ठाघर बस्दै आएका छन् ।यसअघि उनीमाथि प्रहरीले मिटर ब्याज कसुरमा समेत अनुसन्धान गरेको थियो ।