site stats
बाह्रखरी :: Baahrakhari
विदेश
Global Ime bankGlobal Ime bank
हमासले पाँच इजरायली महिला सैनिकलाई बन्धक बनाएको भिडियो सार्वजनिक 

काठमाडौं । हमासले गएको अक्टोबर ७ मा इजरायलमाथि आक्रमण गरेपछि बन्धक बनाइएका पाँच महिला सैनिकमाथि गरिएको  ज्यादतीसम्बन्धी भिडियो बुधबार सार्वजनिक गरिएको छ ।

होस्टेज एण्ड मिसिङ फेमिलिज फोरमले सार्वजनिक गरेको सो भिडियोमा ती महिला सैनिकलाई बलात्कारको धम्की दिँदै गाजा तर्फ लगिएको देखाइएको छ । गाजा स्ट्रिप बाहिर नाहल ओज बेसमा रहेका ती महिलाको हातमा हतकडी लगाइएको छ भने उनीहरूलाई भित्तातर्फ ठेलिएको देखिन्छ। उनीहरूले त्यतिबेला पाइजामा मात्रै लगाएको देखिन्छ ।

बन्दुक लिएको एक व्यक्तिले त्यतिबेला ती महिला सैनिकलाई उनीहरु सुन्दर भएको र गर्भवती हुन सक्ने बताइरहेका छन् । यसरी हमासद्वारा बन्धक बनाइएका ती महिला सैनिकमा लिरी अल्बाग, करिना एरिभ, अगम बर्गर, डानिएला गिल्बोआ र नामा लेभी रहेको जनाइएको छ । 

बर्गरका पिता स्होल्मीले न्युयोर्क पोस्टसँगको कुराकानीमा १९ वर्षकी आफ्नी छोरीलाई दर्जनौं सशस्त्र मानिसले घेरेर त्यसरी धम्की दिएको देख्दा भएको महसुस कल्पना पनि गर्न नसकेको जनाएका छन् ।

सो भिडियो तीन मिनेटको रहेको छ । ती महिला सैनिक हमासको नियन्त्रणमा रहेका करिब १०० बन्धकहरू मध्येको हो, जो गएको सात महिनाभन्दा बढी समयदेखि हमासको नियन्त्रणमा रहेका मानिएको छ । एजेन्सी
 

प्रकाशित मिति: बिहीबार, जेठ १०, २०८१  १०:१३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro