वाशिङटन । अमेरिकी विदेश मन्त्रालयले इजरायली सेनाका पाँचवटा युनिटबाट मानवअधिकार उल्लंघन भएको जनाएको छ । यद्यपि, उनीहरूले अमेरिकी सहयोग भने पाइरहने समाचारमा उल्लेख छ । व्यक्तिगत घटनाका क्रममा त्यस्ता उल्लंघन भएको जनाइएको छ ।

अहिलेको युद्ध सुरु हुनुभन्दा पहिला नै गाजाबाहिर त्यसप्रकारका मानवअधिकार उल्लंघनका घटना भएको अमेरिकाले जनाएको छ । अमेरिकी सरकारले चारवटा युनिटमा इजरायलले सच्याउने प्रक्रिया सुरु गरिसकेको जनाएको छ । उसले थप एक युनिटका बारेमा पनि सूचना दिएको छ । तर, सबै युनिट अमेरिकी सहयोग पाउन भने योग्य रहेको जनाइएको छ । 

अमेरिका इजरायलको सैनिक सहयोग गर्ने मुख्य राष्ट्र हो । उसले हरेक वर्ष इजरायललाई ३ दशमलब ८ बिलियन डलरको हतियार र प्रतिरक्षा प्रणाली प्रदान गर्दै आएको छ । अमेरिकाका तर्फबाट इजरायली सेनाको कुनै युनिटका बारेमा यस्तो टिप्पणी गरिएको यो पहिलो पटक हो । बीबीसी