काठमाडौं । पश्चिम रुकुमको चौरजहारी नगरपालिका–३ रानीघाटमा मलामी गएका व्यक्ति भेरी नदीमा बेपत्ता भएका छन् । उनको खोजी कार्यका लागि आजदेखि सशस्त्र प्रहरीको गोताखोर परिचालन गरिएको छ ।

बुधबार चौरजहारी नगरपालिका–९ कोटजहारीका ६१ वर्षीय नारायण खड्का मलामी गएका बेला नदीमा नुहाउने क्रममा डुबेर बेपत्ता भएका थिए । बिहीबार सशस्त्र प्रहरी बल नेपाल नम्बर ६ महेश्वरी बाहिनी मुख्यालय सुर्खेतबाट ६ जनाको गोताखोर टोली उनको खोजीका लाथि घटनास्थलमा पुगेको थियो ।

तर, दिउँसो ३ बजेदेखि खोजीकार्य गर्दा उनको शव नभेटिएपछि टोली आश्रित गुल्म जाजरकोटमा फर्किएको । अब शुक्रबार बिहानैदेखि उनको खोजीकार्यमा परिचालित हुनेछ ।