जेरुसेलम । इजरायलका रक्षामन्त्रीले सोमबार अधिकारीहरूले रमजानको समयमा उपासनाको स्वतन्त्रताको सम्मान गर्ने बताएका छन् । यद्यपि उनले जसले ‘हामीमाथि प्रयास गर्नेछ’ त्यसका लागि ‘तयार’ रहेको बताएका छन् ।

“इजरायल राज्य अल–अक्सा र सबै पवित्र स्थानहरूमा उपासनाको स्वतन्त्रताको सम्मान गर्दछ”, इजराइली क्षेत्रको पूर्वी जेरुसेलममा रहेको इस्लामको तेस्रो सबैभन्दा पवित्र स्थललाई उल्लेख गर्दै रक्षामन्त्री योभ गलान्टले एक भिडियो सन्देशमा भने ।

उनले आफ्नो टेलिग्राम च्यानलमा पोस्ट गरिएको क्लिपमा भनेका छन्, “रमजानको महिना जिहादको महिना हुनसक्छ, हामीमाथि प्रयोग नगर्नुहोस् भनेर सबैलाई भन्छौँ, हामी तयार छौँ, गल्ती नगर्नुहोस् ।”

उनका टिप्पणीहरू अल–अक्सा मस्जिद परिसरमा रमजानका क्रममा तनावको चिन्ताहरूबीच आएको हो । अघिल्ला वर्षहरूमा मुस्लिम उपवासको महिनाको बेला उक्त मस्जिद हिंसाको केन्द्र बनेको थियो । उक्त परिसर यहुदी धर्मको सबैभन्दा पवित्र स्थल पनि हो । यसलाई यहुदी टेम्पल माउन्ट भनिन्छ ।

रमजानको समयमा दसौँ र हजारौँको सङ्ख्यामा मुस्लिमहरूले परिसरमा प्रार्थना गर्छन् । शुक्रबार हमास लडाकु समूहको सशस्त्र शाखाका एक प्रवक्ताले ‘हाम्रा मानिस’ लाई संगठित हुन र अल–अक्सातर्फ बढ्न आह्वान गरेका थिए ।

अक्टोबर ७ मा दक्षिणी इजरायलमा हमासको अभूतपूर्व आक्रमणले गाजामा जारी युद्ध सुरु गर्यो । युद्ध अहिले ६ महिनामा पुगेको छ । मध्यस्थकर्ताहरूले रमजान सुरु हुनुअघि नयाँ युद्धविराम सुनिश्चित गर्ने आशा गरेका थिए तर अहिलेसम्म कुनै सफलता प्राप्त भएको छैन । रासस/एएफपी