site stats
बाह्रखरी :: Baahrakhari
राजनीति
Global Ime bankGlobal Ime bank
अड्कियो टीआरसी विधेयक, समितिको बैठक बस्दै नबसी स्थगित
कानुन, न्याय तथा मानवअधिकार समितिको आइतबार बसेको बैठकको दृश्य ।

काठमाडौं । प्रतिनिधिसभाअन्तर्गतको कानुन, न्याय तथा मानवअधिकार समितिको बैठक बस्दै नबसी स्थगन गरिएको छ । सोमबार बिहान पौने ८ बजे बस्ने गरी बैठक तय गरिएको थियो ।

बैठक बस्न नसकेर स्थगन गरिएको र अर्को सूचना जारी नभएसम्म नबस्ने समितिका सचिव अधिराज राईले जानकारी दिए ।

आजको समिति बैठकबाट संक्रमणकालीन न्यायसम्बन्धी विधेयक (टीआरसी)मा टुंगोमा पुग्ने तयारी थियो । तर, विकसित पछिल्लो राजनीतिक घटनाक्रमका कारण बैठक नै नबसेको हो ।

आइतबारको बैठकमा सो विधेयकमा सहमतिनजिक पुगेको र समितिबाट आज टुंग्याइने दलका नेताहरूले बताएका थिए । दुई विषय मात्र मिल्न बाँकी रहेको नेताहरूको भनाइ थियो । संक्रमणकालीन न्यायसम्बन्धी विधेयकलाई पीडितमन्त्री बनाउनुपर्नेमा नेताहरूले जोड दिँदै आएका छन् ।

सत्ता गठबन्धनमा पछिल्लो समय असमझदारी देखिएको छ । विशेष गरी राष्ट्रियसभा अध्यक्षमा नेकपा (माओवादी केन्द्र) र नेपाली कांग्रेस दुवै दलको दाबी, मन्त्रीहरूको कार्यसम्पादनलगायत विषयले समस्या उत्पन्न भएको छ ।

प्रकाशित मिति: सोमबार, फागुन २१, २०८०  ०९:३२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro