![झलनाथको व्यस्तता : बिहान प्रधानमन्त्री, बेलुका विप्लवसित भेटवार्ता](https://12khari.top/uploads/posts/prachanda-jhalnath-khanal2-1709390102.jpg)
काठमाडौं । नेकपा (एकीकृत समाजवादी)का सम्मानित नेता झलनाथ खनालले प्रधानमन्त्री पुष्पकमल दाहाल ‘प्रचण्ड’सित भेटवार्ता गरेका छन् । शनिबार बिहान प्रधानमन्त्रीलाई भेट्न उनी बालुवाटार पुगेका थिए ।
भेटमा समसामयिक राजनीतिक र आपसी हितका विषयमा कुराकानी भएको खनालको सचिवालयले जानकारी गराएको छ ।
शनिबारै साँझ खनाल र चार दल आबद्ध समाजवादी मोर्चाका संयोजक नेत्रविक्रम चन्द ‘विप्लव’बीच भेटवार्ता भएको छ । खनालको निवास डल्लुमा उनीहरूबीच छलफल भएको हो ।
त्यसक्रममा देशको वर्तमान अवस्था, कम्युनिस्ट एकताको समस्या र सम्भावना र समसामयिक विषयमा कुराकानी भएको खनालको सचिवालयले जनाएको छ ।
मोर्चामा सत्ताको नेतृत्वकर्ता दल नेकपा (माओवादी केन्द्र), एकीकृत समाजवादी, जनता समाजवादी पार्टी (जसपा) र विप्लव नेतृत्वको नेपाल कम्युनिस्ट पार्टी आबद्ध छन् ।
बिहान प्रधानमन्त्री र बेलुका विप्लवसित भएको भेटवार्तालाई अर्थपूर्ण ढंगले हेरिएको छ ।