काठमाडौं । जर्मन बुन्डेसलिगाको क्लब बायर्न म्युनिखका मुख्य प्रशिक्षक थोमस टचेलले जारी सिजनको अन्त्यपछि क्लब छोड्ने घोषणा गरेका छन् । टचेल गत मार्चमा जुलियन नगेल्समनको स्थानमा बायर्नको प्रशिक्षक बनेका थिए । 

५० वर्षीय टचेल सन् २०२५ को जुनसम्मको सम्झौतासहित बायर्न अनुबन्ध भएका थिए । तर, क्लबले जारी सिजन स्वभाविक लय भेट्टाउन नसकेपछि दबाबमा आएका टचेलले बुधबार सिजनको अन्त्यसँगै जिम्मेवारी छोड्ने बताएका हुन् । 

टचेलको प्रशिक्षणमा बायर्नले गत सिजन बुन्डेसलिगाको उपाधि जितेको थियो । तर, जारी सिजन साविक विजेता लिग लिडर बायर्न लेभरकुजेनभन्दा आठ अंकले पछि छ । बायर्नका सीईओ जान–क्रिस्टियन ड्रिसेनले दुवै पक्षबीच भएको खुला र राम्रो संवादपछि सहकार्य टुंग्याउने सहमति बनेको बताए । 

यस्तै, टचेलले भने जारी सिजन क्लबले उच्च सफलताका लागि सक्दो प्रयास गर्ने बताए । “हामी यो सिजनको अन्त्यपछि छोड्ने छु । त्यस समयसम्म म र मेरो प्रशिक्षण टोलीले यस सिजन क्लबको उच्च सफलताका लागि सक्दो प्रयास गर्नेछ,” पेरिस सेन्ट जर्मन (पीएसजी) र बोरुसिया डर्टमन्डको प्रशिक्षण सम्हालिसकेका टचेलले भने ।