site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
जनसम्पर्क समिति नै भाँडभैलोमा छ भने किन थप्ने विश्व–सन्जाल 

डेनमार्क । नेपाली कांग्रेसको महासमिति बैठक चल्दैछ । यसै सन्दर्भमा नेपाली कांग्रेसको प्रवासस्थित शुभेच्छुक तथा भातृ संस्था जनसम्पर्क समिति हरूको चासो हुनु स्वाभाविक हो । यो बैठकमा करिब ३७ देशबाट १११ जना महासमिति सदस्यका रूपमा सामेल पनि हुँदैछन ।

विदेशस्थित जनसम्पर्क समितिहरूले विविध कार्यक्रम गर्ने तथा समुदायलाई विविध कार्यक्रम जस्तै खेलकुद प्रतियोगिता तथा नेपाली समुदायमा हुर्कंदै गरेका साना बाबुनानीहरूको लागि कार्यक्रम गर्ने गरिरहेको छ । साथै आफ्नो पार्टी कांग्रेसले लिएको नीति र विचारलाई समुदाय बुझाउने कार्य त गर्ने नै भयो ।

यसबाहेक जनसम्पर्क समितिहरूले नेपालमा भूकम्प तथा बाढी पहिरोको विपद् आइपरेको अवस्थामा पार्टीको आग्रह बमोजिम अर्थ संकलन गरी पार्टीको विपद् व्यवस्थापन टिमसँग सहकार्य गरी आर्थिक सहयोग पठाउँदै आइरहेका छन् । के अब जनसम्पर्क समितिहरूले यस्तै कार्य मात्र गर्दै जाने कि अब स्थापित भइसकेको संस्थालाई अर्को तहमा लैजाने ? आजको अहम् प्रश्न यो भइरहेको छ । 

Prabhu Bank
Agni Group
NIC Asia

कांग्रेस ठूलो पार्टी हो, त्यसैले स्वभावतः यो पार्टीप्रति आस्था राख्ने ठूलो जमात प्रवासमा पनि छ । त्यो ठूलो जमातलाई कांग्रेसप्रति नेपाली आस्थावान बनाइरहन कांग्रेसले जनसम्पर्क समितिहरूप्रति अब के नीति लिन्छ त्यसमा भर रहन्छ ।

पछिल्लो समय प्रवासमा कांग्रेसप्रति नेपाली समुदायमा अलि विकर्षण बढ्दै गइरहेको छ । यहाँ कुरा चपाउनु आवश्यक छैन, कांग्रेसप्रति आस्था राख्ने व्यक्तिहरू धमाधम नयाँ पार्टी भन्दै राष्ट्रिय स्वतन्त्र पार्टीप्रति लागिरहेको यथार्थ छर्लङ्ग देखिइरहेको छ । यो सामान्य लाग्ला, तर भविष्यमा यस्ले पार्ने प्रभावप्रति कांग्रेस आजै सचेत हुनु जरुरी छ । 

Global Ime bank

यो महासमिति बैठकले कांग्रेसले प्रष्ट पार्नुपर्छ कि, विदेशस्थित जनसम्पर्क समितिहरू परेको बेला आर्थिक सहयोग गर्ने निकायहरू हुन् या पार्टीसँग नजिकको सम्बन्ध रही पार्टीले बनाउने विभिन्न नीतिमा जनसम्पर्क समितिहरूले विदेशमा सिकेका सीप र ज्ञानको ‘इनपुट’ दिनसक्ने निकाय हुन् ? यसमा अब पार्टीले प्रष्ट पार्नुपर्छ ।

पछिल्लो समयमा विदेशस्थित नेपाली समुदायमा जनसम्पर्क समितिहरूले जति गर्नुपर्थ्यो त्यो गरिरहेका छैनन् । समुदायमा गई संगठन गर्ने, समुदायलाई बलियो बनाउने भन्दा पनि जसरी हुन्छ नेतृत्व हत्याउने अनि चाहे जति समय कामै नगरी पदमा बसिरहने प्रवृत्ति हाल धेरै देशमा बढिरहेको छ । यसले नेपाली समुदायमा कांग्रेस पार्टीप्रति विकर्षण बढाइरहेको छ ।

पछिल्लो समय हालका जति पनि जनसम्पर्क समितिका सभापतिहरू छन्, तिनीहरू अधिकांश विधि–विधान भन्दा पनि एकदम अवैधानिक तरिकाले र अपारदर्शी रुपमा नेतृत्वमा आएका छन् । अनि त्यसरी आए पनि राम्रो काम गरिदिए त हुन्थ्यो तर कामै नगरी उही जमेको पोखरी जस्तो भई पद मात्र ओगटी बस्ने प्रवृत्ति मौलाइरहेको छ ।

मुखले भन्दा प्रजातान्त्रिक अनि विधिको कुरा गर्ने तर सदस्यहरू बनाई उनीहरूबाट चुनिएर आउन भने डराउने । यो प्रवृत्ति जनसम्पर्क समितिमा देखिएको एक रोग जस्तोे भएको छ । यसले नेपाली समुदायको हित गर्दैन । यसप्रति कांग्रेसकोे ध्यान जानु आवश्यक छ । 

जनसम्पर्क समितिहरू स्थापित भइसकेको अवस्थामा अब यसलाई अर्को तहमा लैजाने काम पार्टीको हो । यसका लागि हाललाई मुख्य दुइ कार्ययोजना आवश्यक देखिन्छ । पहिलो कार्ययोजना, हाल ३७ देशमा जनसम्पर्क समितिहरू क्रियाशील छन् । निस्क्रिय रहे पनि जनसम्पर्क समिति छ भन्ने मान्यता नेपाली समुदायमा निकै बलियो रुपमा स्थापित छ ।

हाल भइरहेका संरचना यथावत् राख्दै प्रत्येक दुई–दुई वर्षमा अधिवेशन सम्पन्न गर्नुपर्ने भन्ने स्पष्ट पार्टी विधानमा लेख्नुपर्छ । कार्यकाल सकिएका र सकिन लागेका जनसम्पर्क समितिहरूलाई छ महिनाभित्र अधिवेशन सम्पन्न गर्न निर्देशन दिनु आवश्यक छ । यसले जनसम्पर्क समितिहरूलाई क्रियाशील बनाउँछ । 

जनसम्पर्क समितिहरूले पाउने महाधिवेशन प्रतिनिधिको संख्या र महासमिति सदस्य संख्या हाल जस्तो छ त्यही कायमै हुनुपर्छ ताकि नेपाली कांग्रेस छाडेर अर्को पार्टी रोज्ने प्रवृत्ति कम हुन्छ । विदेशबाट कांग्रेसको कार्यकर्ता नेपालको आमचुनावको बेला नेपाल जाँदा उसले आफ्नो गाउँ नगरमा कति प्रभाव पार्न सक्छ भन्ने उदाहरण म स्वयंले पछिल्लो आमनिर्वाचनमा भोगेर आएको छु । यस्तै चुनावको बेला आफनो गाउँ ठाउँमा चिने जानेकालाई एक फोन गरी पार्टीको लागि मत माग्दा पनि कति प्रभाव एक कार्यकर्ताले पार्न सक्छ भन्ने उदाहरण धेरै छन् । यो ‘फ्याक्टर’लाई पार्टीले चिन्न सक्नुपर्छ । 

अर्को योजनाअन्तर्गत जनसम्पर्क समितिहरूबाट पनि कांग्रेसको केन्द्रीय सदस्य बन्ने व्यवस्था हुनुपर्छ । सुनिए अनुसार ‘विश्व सञ्जाल’ बनाउने भन्ने कुरा चलिरहेको र त्यसैबाट नेपालमा सबै देशबाट जम्मा भई अधिवेशन गर्ने भन्ने छ । महादेशबाट प्रतिनिधित्व गर्ने गरी त्यहीबाट केन्द्रीय सदस्य चुन्ने र पार्टीले त्यसलाई मान्यता दिई केन्द्रीय सदस्यमा चुनिनेलाई नेपाली कांग्रेसको केन्द्रीय सदस्य बराबरको मान्यता र अधिकार दिने भन्ने व्यवस्था बनाउने कार्ययोजना बनाउनेबारे छलफल चलिरहेको भन्ने विषय बाहिर आएको छ ।

तर हालकै संरचना भइरहेको अवस्थामा फेरि अर्को भाँडभैलो मच्चाउन विश्व सञ्जाल किन चाहियो ? बरू अहिलेकै संरचनालाई थप आधिकार दिएर बरू नियमनमा कडाइ गरेर अगाडि बढ्नुपर्छ । किनकि विश्व सञ्जालले हरेक देशको स्थानीय समुदायलाई सम्बोधन गर्नै सक्दैन । स्थानीय समुदाय यो सञ्जालमा जोडिनै सक्दैन, अनि त्यसमा अरु पार्टीले फाइदा लिने ठाउँ प्रशस्तै हुन्छ । एक त हालकै जनसम्पर्क समितिहरूलाई नियमन नहुँदा मन लाग्दो गर्ने भएका छन् अहिले नै भाँडभैलो छ भने अर्को भाँडभैलो ल्याउन किन विश्व सञ्जाल चाहियो ?

बरू यसको अर्को राम्रो विकल्प हुनसक्छ । केन्द्रीय समितिमा प्रतिनिधित्व गर्न क्रियाशील संख्याको आधारमा जनसम्पर्क समितिले हाल पाइरहेका महाधिवेशन प्रतिनिधि र महासमिति सदस्य कायमै राखी पार्टी महाधिवेशनसँगै विभिन्न देशबाट आएका प्रतिनिधिहरूबाट एशिया, युरोप, अमेरीका, अस्ट्रेलिया, अफ्रिका लगायतबाट केन्द्रमा प्रतिनिधित्व हुने गरी केन्द्रीय सदस्य चुन्ने अनि त्यसलाई केन्द्रले मान्यता दिने । 

तर पार्टीको केन्द्रीय सदस्य बन्न नेपाली नागरिकता त्याग नगरेको हुनुपर्ने अर्थात् विदेशी नागरिकता/राहदानी लिने व्यक्तिलाई केन्द्रीय सदस्यको उम्मेदबार बन्न नदिने । जुन नेपालको संविधान अनुसार पनि हुन्छ । 

यिनै दुई कार्ययोजना अनुसार अघि बढ्ने हो भने जनसम्पर्क समितिमा कहिल्यै समस्या आउँदैन । तर यति नगर्ने हो भने उही गुट उपगुट अनि भेगीयता, क्षेत्रीयतामा जनसम्पर्क समितिहरू रुमल्लिइरहन्छन् । अनि नेपाली समुदायबाट विमुख हुँदै जान्छन् जसको असर नेपालमा हुने आमनिर्वाचनमा पार्टीलाई असर पर्ने निश्चित छ । त्यसैले जनसम्पर्क समितिहरूलाई ‘ट्रयाक’मा ल्याउन नियमन गरी महासमिति बैठकले टुङ्गो लगाओस् ।
 

NIBLNIBL
प्रकाशित मिति: सोमबार, फागुन ७, २०८०  १३:५६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC