काठमाडौं । ट्याक्सी व्यवसायी तथा स्वरोजगार मजदुरले सबै कम्पनी र किसिमका सवारीसाधन किन्न पाउनुपर्ने माग गरेका छन् । आइतबार काठमाडौंमा आयोजित पत्रकार सम्मेलनमा ट्याक्सी यातायात व्यवसायी तथा स्वरोजगार मजदुर संयुक्त संघर्ष समितिले यस्तो माग गरेको हो ।

ट्याक्सी खरिद एवं सट्टाभर्ना गर्दा राज्यले एकाधिकार (सिन्डिकेट) प्रणालीबाट महँगो सवारी मात्र खरिद गर्न बाध्य बनाएको उनीहरूको आरोप छ ।

गएको वैशाखदेखि लागु हुने गरी वाग्मती प्रदेश सरकारले नयाँ ट्याक्सी अनिवार्य रूपमा विद्युतीय (ईभी) हुनुपर्ने व्यवस्था गरेको थियो । प्रदेश सरकारले त्यस्ता ट्याक्सीमा डिजिटल बोर्ड हुनुपर्नेलगायत विशेष मापदण्ड तोकेको थियो ।

एकोहोरो रूपमा महँगो सवारी मात्र खरिद गर्नुपर्ने बाध्यकारी अवस्था सिजना गरिएको व्यवसायीको गुनासो छ । सरकारको नीतिले महँगा ट्याक्सी खरिद गर्न नसक्ने र पुरानो ऋणको भारले बाध्य भएर खाडी मुलकमा पलायन हुने अवस्था आएको व्यवसायीको भनाइ छ ।

अन्तिम विकल्पका रूपमा आफूहरू चरणबद्ध संघर्षमा उत्रिएको व्यवसायीले बताएका छन् । संघर्ष समितिका संयोजक पपिन्द्र बाराकोटी मगरद्वारा जारी विज्ञप्तिमा ६ बुँदे माग उल्लेख छ ।

ट्याक्सी व्यवसायीका माग पढ्नोस्–