काठमाडौं । आतंकवाद प्रतिरोधबारे गृह मन्त्रालयमा छलफल भएको छ । गृहसचिव दिनेश भट्टराईको अध्यक्षतामा आज बसेको बैठकमा चारवटै सुरक्षा निकायका अधिकारीहरू सहभागी थिए ।

बैठकमा प्रहरी प्रमुख आईजीपी वसन्त कुँवर, सशस्त्र प्रहरी प्रमुख आईजीपी राजु अर्याल, अनुसन्धान निर्देशक हुतराज थापा र नेपाली सेनाका रथी सीताराम खड्का सहभागी थिए । त्यस्तै, सीआईबीका प्रमुख एआईजी किरण बज्राचार्य समेत बैठकमा सहभागी थिइन् । 

बैठकमा सहभागी एक सुरक्षा अधिकारीका अनुसार नेपाल भित्रिने र बाहिरिने अवैध लगानीबारे समेत छलफल भएको छ । पछिल्लो समय अवैध रूपमा भित्रिने सुनलगायतमा अवैध लगानी हुन सक्ने आशंका गृह मन्त्रालयको छ ।

यस्तो लगानीमा अन्तर्राष्ट्रिय आपराधिक समूहको हुन सक्ने आंशका गर्दै यसको नियन्त्रणको लागि आवश्यक छलफल भएको हो ।