site stats
बाह्रखरी :: Baahrakhari
कला
Global Ime bankGlobal Ime bank
चलचित्र ‘बलिदान’को टिजर रिलिज

काठमाडौं । नेपाली कथानक चलचित्र ‘बलिदान’को टिजर रिलिज भएको छ । छायांकनमा जानु अगाडि नै चलचित्रको टिजर रिलिज गरिएको हो । 

चलचित्र ‘बलिदान’ ‘प्रेम गीत’का निर्माता तथा ‘प्रेम गीत–३’का निर्देशक सन्तोष सेनले निर्देशन गर्दै छन् । 

सार्वजनिक टिजरले ‘बलिदान’ कुनै समयको विसंगतिविरुद्ध रहेको एक्सनप्रधान चलचित्र बन्ने संकेत गरेकाे छ । टिजरमा विस्फोट, नरसंहार, तोडफोड तथा त्रसित वातावरणले देशमा हुने रक्तपातपूर्ण क्रान्ति देखिएको छ । 

देशको आन्तरिक मामिलामा चर्किएको आन्दोलनमा बाह्य तत्वको प्रवेशपछि खलबलिएको समाजलाई चलचित्रले समेट्ने बताइएको छ । देशको अस्मिता जोगाउन एक युग पुरुष कसरी जन्मिछ भन्ने कथाको वरपर चलचित्र रहने निर्देशक सेनले बताएका छन् । 

टिजर रिलिज गरिए पनि चलचित्रका कलाकारबारे जानकारी दिइएको छैन । दोस्रो चरणमा कलाकार र प्राविधिकबारे जानकारी लिने निर्देशक सेनले बताएका छन् । 

आसुसेन प्रा.ली. तथा सन्तोष सेनको प्रस्तुति रहने चलचित्रमा निर्माताको रूपमा पवन ब्राडफोर्ड बिस्ट तथा कार्यकारी निर्माता चक्र बहादुर चन्द, प्रेम पुरीलगायत रहेका छन् । प्राध्यापक, लेखक एवम् साधक दर्शन जीले चलचित्रका लागि कथा लेखेका छन् । 
 

प्रकाशित मिति: सोमबार, कात्तिक २७, २०८०  ०७:०३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro