काठमाडौं । काठमाडौंको गोठाटारमा प्रहरीले गोली चलाएको छ ।

उपत्यका अपराध अनुसन्धान कार्यालयको टोलीले गोली हानेर दुईजनालाई नियन्त्रणमा लिएको हो । गोली लागेका व्यक्ति भारतकाे पश्चिमबंगालका मोहम्मद करिम रहेका अपराध महाशाखाका एसपी रवीन्द्र रेग्मीले बताए ।

प्रहरीका अनुसार नियन्त्रणमा लिइएका अर्का व्यक्ति झापाका हर्क लिम्बू रहेका छन् । प्रहरीले नियन्त्रणमा लिएका व्यक्ति लागुऔषध कारोबारी रहेको खुलेको छ ।