काठमाडौं । सीजी मोटर्स प्रालिले बिक्री गर्दै आएको नेटा भीको सवारी साधनमा २० प्रतिशतको डाउनपेमेन्ट सहज रूपमा कर्जामा उपलब्ध हुने भएको छ । 

गाडी किन्दा ग्राहकहरूलाई छिटो, छरितो र सहजताका साथ आकर्षक ब्याजदरमा ८० प्रतिशतसम्म सवारी साधन कर्जा उपलब्ध गराउने संस्थाले जारी विज्ञप्तिमा उल्लेख छ । प्रभु बैंक, कामना सेवा बैंक, एनएमबि बैंक र नबिल बैंकबाट सहज कर्जा उपलब्ध हुने सीजी मोटर्सले जनाएको छ ।

यस अफर देशभर सबै सोरुममा लागु हुनेछ ।

नेटा भी क्रसओभर सेग्मेन्टमा बोल्ड लुक्समा पियोर ईभी प्लेटफर्ममा उत्पादित ईभी हो । जसमा कम्पनीले ३८.५ किलोवाट पावर क्षमताको ब्याट्रीको साथमा ७० किलोवाट क्षमताको मोटर प्रदान गरेको छ । जसले १६० एनएमको टर्क उत्सर्जन गर्ने क्षमता छ ।
 
करिब २० मिनेटको समयमा नै ३० देखि ८० प्रतिशत फास्ट चार्ज हुने गाडीले फूल चार्जमा ३८०  किलोमिटरसम्मको रेन्ज दिने कम्पनीको दाबी छ । 

विश्वकै ठूलो ब्याट्री उत्पादक कम्पनी ‘सीएटीएल’ले उत्पादन गरेको लिथियम आयोन ब्याट्री प्रयोग भएको छ । नेटा भीको ब्याट्रीसहित मोटरमा कम्पनीले एक लाख ५० हजार किलोमिटर तथा आठ वर्षको वारेन्टी प्रदान गरेको छ । प्रयोगकर्ताले ६.६ किलोवाट क्षमताको होम चार्जरको सुविधासमेत पाउने छन् ।