site stats
बाह्रखरी :: Baahrakhari
प्रवास
Nabil BankNabil Bank
इजरायलमा सम्पर्कविहीन १२ नेपालीमध्ये एकजना भेटिए 

काठमाडौं । प्यालेस्टाइनको चरमपन्थी समूह हमासले शनिबार बिहान इजरायलमा आक्रमण गरेपछि सम्पर्कविहीन बनेका १२ नेपालीमध्ये एकजना आइतबार सम्पर्कमा आएका छन् । सम्पर्कमा आएका व्यक्ति दाङको दंगीशरण गाउँपालिका–३ का २३ वर्षीय प्रविण डाँगी हुन् ।

उनी सोरोका मेडिकल सेन्टरमा उपचार गराइरहेको अवस्थामा भेटिएको गैरआवासीय नेपाली संघ (एनआरएनए) इजरायलका अध्यक्ष श्रीकृष्ण भण्डारीले जानकारी दिए ।

Prabhu Bank
Agni Group
NIC Asia

“सम्पर्कविहीन बनेका १२ जनामध्ये एकजना प्रविण डाँगी अस्पतालमा उपचार गराइरहेको अवस्थामा भेटिएका छन्,” भण्डारीले बाह्रखरीसँग भने ।

सम्पर्कविहीन अरू ११ जनाको खोजीकार्य भइरहेको उनले जनाए ।

Global Ime bank

परराष्ट्रमन्त्री एनपी साउदका अनुसार इजरायलमा हाल चार हजार ५०० नेपाली केयरगिभरका रूपमा कार्यरत छन् । इजरायलमा हाल २६५ नेपाली विद्यार्थी अध्ययनरत छन् । इजरायल सरकारको ‘लर्न एन्ड अर्न’ कार्यक्रमअन्तर्गत उनीहरू अध्ययगन गर्न गएका हुन् ।

अध्ययनका निम्ति गएका मध्ये नेपालको कृषि विश्वविद्यालयबाट ११९, त्रिभुवन विश्वविद्यालयबाट ९७ र सुदूरपश्चिम विश्वविद्यालयबाट ४९ जना छन् । सुदुरपश्चिम विश्वविद्यालयबाट गएका ४९ मध्ये १७ नेपाली दक्षिण इजरायलको किवुज अलुमिम भन्ने स्थानमा अध्ययनरत थिए ।

किवुज अलुमिम स्थानमा अध्ययनरत १७ नेपालीमध्ये दुईजना सकुशल रहेका, स्थानीय अस्पतालमा तीन घाइतेको उपचार भइरहेको थियो । बाँकी १२ सम्पर्कविहीन थिए । सम्पर्कविहीनमध्ये आइतबार एकजना भेटिएका हुन् ।

NIBLNIBL
प्रकाशित मिति: आइतबार, असोज २१, २०८०  १५:५८
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Shivam Cement DetailShivam Cement Detail
Maruti cementMaruti cement
सम्पादकीय