काठमाडौं । एसिया कप–२०२३ को उद्घाटन खेलमा पाकिस्तानविरुद्ध नेपालले आसिफ शेखलाई तेस्रो विकेटको रूपमा गुमाएको छ ।

पाकिस्तानले प्रस्तुत गरेको ३४३ रनको लक्ष्यसहित ब्याटिङका लागि आएको नेपालले आसिफलाई पाँच रनको व्यक्तिगत स्कोरमा गुमाएको हो । आसिफ नसिम साहको बलमा इफ्खिर अहमेदले क्याच आउट गराएका थिए ।

हाल १.४ ओभरको खेल सकिँदा नेपालले तीन विकेट गुमाएर १४ रन बनाएको छ । 

त्यसअघि नेपालले पहिलो ओभरमा नै दुई विकेट गुमाएको थियो । नेपालले पहिलो ओभरको पाँचौ बलमा नै कुशललाई १० रनमा र त्यसपछि ब्याटिङका लागि आएका कप्तान रोहितकुमार पौडेललाई गोल्डेन डकको रूपमा गुमाएको हो । 

कुशललाई पाकिस्तानका साहिनसाह अफ्रिदीले विकेटकिपर मोहम्मद रिजवानबाट क्याच गराए । त्यस्तै, रोहित एलबीडब्लूको धरापमा परे ।

नेपालले आफ्नो क्रिकेट इतिहासमै पहिलो पटक डीआरएस लिए पनि कप्तान रोहितको निर्णय सही नहुँदा उनी पभेलियन फर्किए ।

त्यसअघि टस जितेर ब्याटिङमा आएको पाकिस्तानले निर्धारित ५० ओभरमा ६ विकेट गुमाएर ३४२ रनको योगफल खडा गरेको थियो ।