हिक्मतसिंह ऐर
हिन्दू, बौद्ध, जैन, सिखको साझा स्तम्भ
महादेवको पवित्र प्रतिविम्ब !
कैलाश ॐकार परिवारको हो मोक्षद्वार
मानसरोवर नै हो, सिन्धु गंगा,
ब्रह्मपुत्र, कर्णालीको स्रोतद्वार ।
आर्यावर्त भूमिका हामी
पुग्नैपर्छ एकपल्ट मानसरोवर कैलाश !
हुम्ला हो कैलाश जाने मुख्यद्वार
हेर्न सकिन्छ,
हाम्रै भूमि लाप्चलाबाट मानसरोवर कैलाश ।
हिजोसम्म सँगै पुग्थ्यौँ कैलाश
हाम्रा ऋषिमुनि सँगै जान्थे
आज बाटो थुनी एक्लै जाने भयौ
टुलुटुलु हामीले दूरदर्शन मात्र गर्ने भयौँ !
बाटोको ॐ पर्वत हाम्रो,
दर्शन तिम्रो भयो
सक्दैन कोर्न बाटो सरकार हाम्रो
ठूलाले गर्यो रजाइँ
हामी सानाको हक मिचाइ !
केही छैन महादेव,
तिम्रो आशीर्वाद बनिरहोस्
भैतिक प्रगति जसले जति गरोस्,
अलौकिक आध्यात्मिक शक्ति सदैव
हामीसँगै रहोस् ।
कैलाशको चुम्बकीय आकर्षण
सदैव पुग्नसके अति उत्तम !
नसक्नेले हाम्रै भूमि लाप्चबाट
गर्न सक्छन् दर्शन ।
