काठमाडौं । नेकपा (एमाले)ले स्थायी कमिटी सदस्य मणि थापालाई सोधपुछ गर्ने भएको छ ।

सोमबार बसेको सचिवालय बैठकले निष्क्रिय रहेका नेता मणि थापालाई पार्टीका महासचिव शंकर पोखरेलले सोधपुछ गर्ने निर्णय गरेको एक पदाधिकारीले जानकारी दिए ।

पार्टीका अरु नेताहरुलाई फरक भूगोलको जिम्मा दिँदा उनी बिदामा बसेका थिए ।

“उहाँ पार्टी काममा आउनुभएको छैन । पार्टीमा सक्रिय नभएकाले उहाँलाई महासचिवले सोधपुछ गर्ने निर्णय गरेको छ,” एक पदाधिकारीले बाह्रखरीसित भने, “पार्टीमा निष्क्रिय रहनेहरुलाई पार्टीबाट बिदा गर्ने भन्ने कुरा भएको छ ।”