काठमाडौं । नेपाल नर्सिङ काउन्सिलले पछिल्लो एक महिनादेखि रोकिएको नर्सिङ लाइसेन्स परीक्षाको नतिजा प्रकाशित गरेको छ । काउन्सिलले बीएस्सी, पीसीएल र मिडवाइफतर्फको नतिजा आइतबार सार्वजनिक गरेको हो ।

• यसरी बाहिरिएको थियो नर्सिङ लाइसेन्स परीक्षाको प्रश्नपत्र, अलब्राइटविरुद्ध जाहेरी

गत असार २३ गते भएको परीक्षामा ६ हजार १० जना सहभागी थिए । जसमध्ये पीसीएल नर्सिङतर्फ ७८.७६, मिडवाइफतर्फ ९३ र बीएस्सी नर्सिङतर्फ ७९.६ प्रतिशत परीक्षार्थी उत्तीर्ण भएका छन् ।

असार २५ गते लिइएको विशेषज्ञ नर्सको परीक्षा नतिजा भने काउन्सिलले सोहीदिन प्रकाशित गरेको थियो । प्रश्नपत्र बाहिरिएका कारण रोकिएको नतिजा नेपाल प्रहरीको अनुसन्धान प्रतिवेदन आएपछि सार्वजनिक गरिएको काउन्सिलकी रजिष्ट्रार शुक्ला खनालले बताइन् ।