काठमाडौं । ललितानिवास जग्गा प्रकरणमा पक्राउ परेका सञ्चारसचिव कृष्णबहादुर राउतसहित चारजनाको मुद्दामा आज पनि सुनुवाइ भएन ।

आज सर्वोच्च अदालतका न्यायाधीशद्वय प्रकाशकुमार ढुंगाना र नहकुल सुवेदीको इजलासमा परेको रिट हेर्दाहेर्दैमा परेर भोलिका लागि सुनुवाइ तोकिएको छ ।

ललितानिवास प्रकरणको अख्तियारले मुद्दा चलाएर विशेष अदालतमा विचाराधीन रहेको अवस्थामा अर्को आरोपमा छानबिन सुरु गरेर गैरन्यायिक थुनामा राखेको भन्दै सचिव राउतसहित पूर्वनिर्वाचन आयुक्त सुधिरकुमार शाह, भाटभटेनीका सञ्चालक मीनबहादुर गुरुङ र धर्मप्रसाद गौतमले बन्दीप्रत्यक्षीकरण रिट दायर गरेका छन् ।

उक्त रिटमा साउन १ गतेदेखि लगातार चार दिनसम्म सुनुवाइ भए पनि हेर्दाहेर्दैमा परेको छ ।