काठमाडौं । प्रहरीले माल्टा पठाइदिन्छु भन्दै रकम ठगी गर्ने महिलालाई पक्राउ गरेको छ ।

पक्राउ पर्नेमा गोरखाको पालुङटार नगरपालिका–५ घर भई हाल काठमाडौंको तार्केश्वर नगरपालिका बस्ने २९ वर्षीया सुस्मा तामाङ रहेकी छन् ।

संजय गिरीलाई वैदेशिक रोजगारीको लागि माल्टा पठाइदिन्छु, त्यसको लागि छ लाख रुपैयाँ लाग्छ, माल्टा पुगेपछि प्रतिष्ठित होटेलमा काम लगाइदिन्छु, मासिक एक लाख तलब हुने भन्दै ठगी गरेका थिए ।

महिलाले पटकपटक गरी पाँच लाख पचासी हजार रुपैयाँ रकम लिइ सम्पर्कविहीन भएकी थिइन् ।

प्रहरी टोलीले तामाङको खोजतलास गर्ने क्रममा मिति आज काठमाडौको तारकेश्वरस्थित फुटुङबाट पक्राउ गरी थप अनुसन्धान तथा कारबाहीको लागि वैदेशिक रोजगार विभाग ताहाचल, काठमाडौं पठाइएको जनाइएको छ ।