काठमाडौं । राष्ट्रिय स्वतन्त्र पार्टी (रास्वपा)का सांसद स्वर्णिम वाग्लेले सामाजिक सुरक्षा र कर्मचारीलाई दिइने निवृत्तिभरणको चापले राज्यलाई ठूला भार पर्ने बताएका छन् । प्रतितिधिसभाको मंगलबारको बैठकमा बोल्दै वाग्लेले राजनीतिक सहमति गरेर यसलाई सुधार गर्नुपर्ने बताए ।

“दुईवटा कुराले हामीलाई पछि ठूलो दुःख दिनेवाला छ । एउटा समाजिक सुरक्षाको, यसपाली १५८ अर्ब भन्नुभएको छ । तर, त्यहाँ सोसियल असिस्टेन्टस्, सोसियल इन्स्योरेन्स र लेबर मार्केट, यो सबै जोडेर सोसियल प्रोटेक्सनको एउटा वृहत् आर्किटेक्चरलाई नै हेर्ने हो भने हामी दुई खर्ब नाघिसकेका छौँ,” उनले भने, “अर्काे सेक्युरिटी फोर्सेज र ब्युरोक्रेसीको आकारबारे पनि राजनीतिक सहमति नै गरेर अप्रिय कदम चालेनौँ भने हामी दुर्घटनाउन्मुख छौँ ।”

अन्तर्राष्ट्रिय अभ्यासलाई हेरेर पनि कर्मचारी र सुरक्षा क्षेत्रका कर्मचारीलाई व्यवस्थापन गर्नुपर्ने वाग्लेले बताए । राजनीतिक नेतृत्वले सुधार गर्न सक्ने भए पनि चासो नदिएको उनले बताए । कर्मचारीतन्त्रमा पनि मर्जर गरेर कर्मचारी व्यवस्थापन गर्नुपर्ने उनले बताए ।

पेन्सनको भार बढेको भन्दै त्यसलाई राजनीतिक नेतृत्वले निचोडमा पु¥याउनु पर्ने उनले बताए । मुलुकलाई भार हुने गरी काम गर्न नहुने पनि उनले बताए । ऋण लिएर आयोजना निर्माण गरिएको भए पनि त्यसले आर्थिक वृद्धिमा कुनै योगदान नदेखिएको उनको भनाइ छ ।