site stats
बाह्रखरी :: Baahrakhari
राजनीति
Global Ime bankGlobal Ime bank
नागरिकता विधेयकको पक्षमा वकालत गर्दै पर्वतारोही निर्मल पुर्जा

काठमाडौं । कीर्तिमानी पर्वतारोही निर्मल पुर्जाले राष्ट्रपतिबाट हालै प्रमाणीकरण भएको नागरिकता विधेयकको पक्षमा वकालत गरेका छन् । उनले ट्विटरमार्फत अभियान नै चलाएर नागरिकता विधेयकको पक्षमा उभिन आह्वानसमेत गरेका छन् ।

उनले नागरिकता विधेयकमा रहेको गैरआवासीय नेपालीलाई आर्थिक र सामाजिक तथा सांस्कृतिक अधिकारसहित नेपाली नागरिकता पाउने व्यवस्थाको तारिफ गरेका छन् । 

“नेपाल सरकारले गैरआवासीय नेपालीलाई कानुनी नागरिकता दिने नयाँ नागरिकता विधेयक ल्याएको थियो । गैरआवासीय नेपालीलाई पूर्ण आर्थिक, सामाजिक र सांस्कृतिक अधिकारहरू अभ्यास गर्न अनुमति दिने यस कानुनमाथि सर्वोच अदालतले अन्तरिम आदेश जारी गरेको छ,” उनले भनेका छन्, “यो नयाँ विधेयकले अहिले र भविष्यमा नेपालको अर्थतन्त्रलाई बढावा दिने छ । एनआरएनको लगानीमार्फत मुलुकमा लगानी वृद्धि तथा पर्यटनको वृद्धि हुने छ र  उच्च दक्ष रोजगारी सिर्जना गर्दै देशमा समृद्धि आउने छ ।”

भूतपूर्व गुर्खा सैनिक पुर्जाले सबैभन्दा छोटो अवधि अर्थात् १९० दिनमा सबै ८,००० मिटर अग्ला हिमालहरू आरोहण गरेर पर्वतारोहणमा इतिहास रचेका छन् । 

उनले सर्वोच्च अदालतलाई नेपाल सरकारसँग मिलेर विदेशमा र नेपालमा रहेका नेपालीको जीवन राम्रो बनाउन पनि आग्रह गरेका छन् । “सँगै मिलेर काम गरेर लगानी, दक्ष रोजगारीका अवसर, कूटनीतिक, शैक्षिक र वित्तीय अवसरहरू थप गर्न सकिन्छ,” उनले भनेका छन् ।

प्रकाशित मिति: आइतबार, असार ३, २०८०  २२:०१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro