काठमाडौं । जर्जियाको राजधानीमा सम्पन्न ‘वर्ल्ड राईजिङ स्टार–२०२३’ प्रतियोगितामा नेपालका बालगायक प्रसुनजंग पोखरेल विजयी भएका छन् ।
प्रतियोगितामा उनले राष्ट्रिय पोसाक टाइटल पनि जितेका छन् ।

परिवर्तन इभेन्ट हाउसद्वारा आयोजित नृत्य, गायन र अभिनयसम्बन्धी प्रतिस्पर्धा डीएसए स्टार २०१९ मा विजेता भएबापत नेपालको प्रतिनिधित्व गर्दै  प्रसुन जर्जिया पुगेका थिए । त्यहाँ उनले ४२ देशका प्रतिस्पर्धीमाझ अन्तिम स्पर्धा गरेका थिए । 

उनलाई शनिबार सितल निवासमा राष्ट्रपती विद्यादेवी भण्डारीले  विश्वमाझ पुगेर नेपालको नाम चिनाउने काम गरेकोमा शुभकामनासहित अवार्ड हस्तान्तरण गरेकी परिवर्तन इभेन्ट हाउसले जारी गरेको प्रेस नोटमा उल्लेख छ । 

थाइल्यान्डको टीन स्टार इन्टरनेशनल २०२२ प्रतियोगितामा फोर्थ रनरअप भएका प्रसुन ब्राइट फ्युचर एकेडेमीमा कक्षा ९ मा अध्ययनरत छन् । उनी नेपालको डीएसए सिंगिङ स्टार २०१९ का विजेता पनि हुन् ।