धनगढी । कैलाली क्षेत्र नम्बर ४ मा नेकपा (एमाले)को तर्फबाट प्रतिनिधिसभा सदस्य उमेदवार लेखराज भट्टलाई ज्यान मार्ने धम्की दिने दुईजना पक्राउ परेका छन् । 

पक्राउ पर्नेमा आज (मंगलबार) भट्टकै निवासमा पुगेर ज्यान मार्ने धम्की दिएका सोही स्थानका शेरबहादुर लामा र दिपेन्द्र विक रहेका छन् ।

ती दुवैजना भट्ट निवासमा पुग्दा उनी भने घरमा थिएनन् । 

“भट्टको घरमा पुगेर धम्की दिएपछि नियन्त्रणमा लिएका छौँ,” इलाका प्रहरी कार्यालय मालाखेतीका इन्चार्ज ज्ञानबहादुर विष्टले भने, “पक्राउ परेका दुवैजना पूर्वलडाकु हुन् ।”