![एकीकृत समाजवादीलाई माओवादी बराबर ‘भाग’ !](https://12khari.top/uploads/posts/71650455340.jpg)
काठमाडौं । नेकपा एमालेबाट विभाजित नेकपा एकीकृत समाजवादीलाई एक महानगरपालिकाको नेतृत्व दिइने भएको छ ।
पाँच दलका शीर्ष नेताबीच भएको सहमतिअनुसार नेकपा एकीकृत समाजवादीले पोखरा महानगरपालिकाको मेयरमा उमेदवारी दिनेछ भने काठमाडौंमा उपप्रमुखमा उमेदवारी दिनेछ ।
हेटौंडा उपमहानगरपालिकाको नेतृत्व पनि एकीकृत समाजवादीले गर्नेछ ।
त्यस्तै इटहरी, बुटवल र तुलसीपुरमा उपमहानगरमा उपप्रमुख दिने सहमति भएको छ । सहमतिमा कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव र राष्ट्रिय जनमोर्चाकी उपाध्यक्ष दुर्गा पौडेलले हस्ताक्षर गरेका छन् ।
एकीकृत समाजवादीले पाएको सिट नेकपा माओवादी केन्द्र बराबरजस्तै हो ।
नेकपा माओवादी केन्द्रले भरतपुर महानगरपालिकाको नेतृत्व पाएको छ भने ललितपुर महानगरपालिकाको उपप्रमुख पाएको छ ।
दुईवटा उमहानगरको नेतृत्व माओवादीले पाएको छ भने दुईवटा नै उपप्रमुख पाएको छ । जितपुर सिमरा र घोराही उपमहानगरपालिकामा माओवादीले प्रमुख पदमा उमेदवारी दिनेछ भने धरान र धनगढी उपमहानगरपालिकामा उपप्रमुख पाउनेछ ।