site stats
बाह्रखरी :: Baahrakhari
बाह्रखरी गल्फ
‘यस्तो बेलामा पनि युवाहरुमा सकारात्मक सोच छ’

कोभिडले संसारलाई दुःखमा पुर्‍याइदिएको छ । यसबाट हाम्रो देश पनि अछुतो छैन । यो महामारीले नसोचेको असर पारेको छ । अहिले समस्या छ तर समस्या हुँदाहुँदै पनि कसरी ‘स्ट्रगल’ गरेर न्यू नर्मलमा कसरी जाने भन्ने विषयमा नै केन्द्रित गरेर युवा उद्यमी मञ्चले त्यस्तै कार्यक्रम गर्दै पनि आएको छ । 

मञ्चले भच्र्यूअलमार्फत नै भए पनि युवाहरुलाई कसरी मोटिभेट गर्ने, ब्यापार व्यवसाय रिभाइभ गर्न कसरी सहयोग गर्ने भन्ने खालको गतिविधि गर्दै आएको छ ।  अहिलेको बेलामा आफूले आफैलाई कसरी बलियो बनाउने भन्ने महत्वपूर्ण हो । यो समयमा युवाहरुले आफू भन्दा सिनियरलाई मेन्टर बनाउनुपर्छ जस्तो लाग्छ । 

म उद्यमी छु भने मेरै जस्तो व्यवसाय कसैले गरेको छ भने एक जनालाई मेन्टर बनाउनुपर्छ । त्यसले व्यापार व्यवसाय गर्दा कस्तो दुःख पर्छ, के के अवरोध आउँछ भन्ने कुरा मेन्टरबाट सिक्न पाइन्छ ।  उहाँहरुले धेरै कुरा भोग्नुभएको हुन्छ, त्यसबाट पाठ सिक्न सकिन्छ । युवाहरुलाई मेरो सुझाव आफ्नो प्रकृतिको व्यवसाय कसैले गरेको छ भने आफू भन्दा सिनियरलाई मेन्टर बनाउँनुपर्छ । 

अर्को, युवाहरुलाई नेपालमै बसेर केही गर्न सकिन्छ भन्ने खालको ‘मोटिभेजन’ गराउनुपर्छ । जस्तो अहिले नेपाल उद्योग वाणिज्य महासंघले स्टार्टअप एण्ड इनोभेसन समिति बनाएको छ । यसले पनि युवाहरुलाई ‘पोजेटिभ भाइभ्स्’ दिन्छ ।  महासंघले पनि युवाको विषयमा सोच्दैछ भन्ने सन्देश यो समिति बनाएर पनि दिएको छ । 
यो समितिले स्टार्टअपलाई कसरी अगाडि बढाउने भन्ने विषयमा नै केन्द्रित रहेर काम गर्छ । यसले ५० जनालाई स्र्टाटअपमा लगाउन आर्थिक सहयोग पनि गर्ने कुरा आएको छ । यसरी नै युवाहरुलाई प्रोत्साहन गर्दै गयो भने राम्रो हुन्छ । 

पर्यटन क्षेत्रमा धेरै युवा उद्यमीहरु छन् । पोखरा भन्ने वित्तिकै पर्यटनसँग कुनै न कुनै रुपमा जोडिएको हुन्छ । यहाँ पर्यटन क्षेत्रमा ठुलो लगानी रहेकोे छ ।  सरकारले भ्रमण वर्ष २०२० घोषणा गरेपछि यहाँ ठुलो मात्रामा पर्यटन क्षेत्रमा लगानी आयो । तर, कोभिडको कारणले गर्दा लगानीकर्ता समस्यामा परेका छन् ।  अर्को यो समयमा भोलीको लागि ‘रेडी’ अवस्थामा पनि बस्नुपर्ने छ । त्यसैले यो बेलमा पूर्वाधार, पुनर्निमाणको काम गर्नुपर्ने छ भन्ने सकारात्मक सोच पनि धेरै युवाहरुमा पाएका छौं । 

गाह्रो समय छ । गाह्रो समय भएपनि यहीबाट ‘पोसिबिलिटी’ खोज्नुपर्ने छ । 

पोखरामा भारतीय पर्यटक धेरै आउँछन् । अहिले बाह्य पर्यटक मात्रै नभएर आन्तरिक पर्यटकलाई पनि आकर्षित गर्नुपर्ने हुन्छ । अहिलेको अवस्था सामान्य बनेपछि भारतीय पर्यटक नै छिटो आउन सक्छन् ।  त्यसैले आन्तरिक र भारतीय पर्यटकमा केन्द्रित हुनुपर्छ । सबै भन्दा सोच्नुपर्ने आन्तरिक पर्यटकलाई हो । आन्तरिक पर्यटकलाई ट्रेकिङ्ग, लामो दिनसम्म घुम्ने गराउन सक्नुपर्छ । जस्तो कोभिडको समयमा पनि दैनिक सय जना मर्दी हिमालको ट्रेकिङ्ग गएको पाइयो । 

त्यसैले अब आन्तरिक पर्यटनलाई पनि ध्यान दिनुपर्छ । ट्रेकिङ्गमा जाँदा नेपालीलाई रुम नदिने र विदेशी पर्यटकलाई रुम दिने गरिन्छ, त्यसमा सुधार ल्याउनुपर्छ । नेपालीमा पनि घुम्ने परम्पराको विकास भएको छ । अब घुम्न विदेश नभई स्वदेश नै हो भनेर पनि प्रबद्र्धन गर्नुपर्छ ।  आन्तरिक पर्यटकलाई प्रोत्साहन गर्न विभिन्न गतिविधि गरिनुपर्छ । बाह्रखरी मिडियाले यस्तो समयमा पनि बाह्रखरी गल्फ गर्न लागि रहेको छ । यसले पनि पोखराको पर्यटनमा पोजेटिभनेस बढाउँछ जस्तो लाग्छ । 

स्वास्थ्य सुरक्षालाई पनि ध्यान दिएर यसरी नै इभेन्टस् गर्दै जाने गर्नुपर्छ । गल्फले पोखरा पर्यटनका लागि राम्रो योगदान दिन्छ जस्तो लाग्छ ।  गतवर्ष पनि बाह्रखरीले एभरेष्टमा गल्फ गर्दा कति राम्रो सन्देश दिएको थियो, त्यस्तै गरी अहिले पनि राम्रो सन्देश दिन्छ । यसले नेपालसहित अन्तर्राष्ट्रिय रुपमा पनि पोखराको विषयमा थप सकारात्मक सन्देश दिन्छ भन्ने आशा लिएका छौं । यस्तै कार्यक्रमले नै पर्यटन क्षेत्रलाई अगाडि बढाउन सहयोग गर्छ । 

कोभिड १९ को असरबाट पर्यटनलाई उकास्ने प्रयासस्वरुप बाह्रखरी मिडियाले एनसेल–बाह्रखरी पहलअन्तर्गत पोखराका उद्योगी व्यवसायीसँग जारी राखेको कुराकानीमा पालिखेको यस्तो धारणा आएको हो । सुस्ताएको पर्यटन क्षेत्रलाई पुनर्जिवित गर्न एनसेललगायतका कर्पोरेट क्षेत्रको सहयोगमा बाह्रखरीले शनिबार पोखरामा आमन्त्रण गल्फ आयोजना गर्न लागेको छ ।

एनसेल प्रमुख प्रायोजक रहेको बाह्रखरी गल्फको यो प्रतियोगितामा नेपाल टुरिजम बोर्ड, गण्डकी प्रदेश सरकार तथा पोखरा महानगरपालिकाको पनि सहकार्य रहेको छ । अन्य प्रायोजकमा डिसहोम, भाटभटेनी सुपरमार्केटस्, नेपाल इन्भेष्टमेन्ट बैंक लिमिटेड, काल्र्सबर्ग, सिभास रिगल, हुन्ड्याई मोटर्स र आईएमई रहेका छन् ।

प्रकाशित मिति: सोमबार, माघ १९, २०७७  १०:०३